IBRAHIMOVIC; Nimepania Kuwaziba Midomo Kwa Wale Waliokuwa Wakinikosoa:;

          
Kuelekea katika mpambano wa watani wa jadi kwenye soka la UINGEREZA, kati ya MANCHESTER UNITED na LIVERPOOL, Mshambuliaji wa MANCHESTER UNITED, ZLATAN IBRAHIMOVIC amesema amepania kuhakikisha anawaziba midomo waliokuwa wakimkosoa kipindi anajiunga na miamba hiyo ya soka ulimwenguni kuwa hakustahili kuichezea timu hiyo kwani asingeweza kuendana na kasi ya ligi kuu ya nchi hiyo.

Akizungumza katika mahojiano na Mchezaji wa zamani wa ARSENAL, THIERRY HENRY, mshambuliaji huyo raia wa SWEDEN amesema anakumbuka namna alivyokuwa akikosolewa na watu mbalimbali ikiwemo wachezaji wa zamani ambao anadai hawakumbuki lakini ana uhakika wachezaji hao wa zamani watamkumbuka kwa maisha yao yote kwani aliyoyafanya mpaka sasa yanatosha kuwafanya wakae kimya.
  

Mchezo kati ya MANCHESTER UNITED na LIVERPOOL utapigwa siku ya jumapili, tarehe 15 mwezi huu katika dimba la OLD TRAFFORD jijini MANCHESTER na  unatajwa kuwa mchezo wenye upinzani mkubwa zaidi katika soka la UINGEREZA kutokana na uhasama uliojengeka baina ya timu hizo mbili zenye historia kubwa ya soka nchini humo.  



COMMENT AND SHARE.............!!!!!!!!!

Share And Comment Bellow On What You Think About This Post!!!