Utafiti waonesha Tanzania inatumia vibaya hela za Mabadiliko ya Tabia Nchi

Utafiti uliofanywa na Mtandao wa Mabadiliko ya Tabia nchi umeonesha Tanzania imeshika nafasi ya nne katika ukanda wa afrika mashariki

Utafiti uliofanywa na Mtandao wa Mabadiliko ya Tabia nchi umeonesha Tanzania imeshika nafasi ya nne katika ukanda wa afrika mashariki katika matumizi ya fedha zinazotolewa katika kupambana na mabadiliko ya Tabia nchi pamoja na kupunguza hewa ya ukaa.
Ripoti hiyo inaonesha kuwa nchi ya Kwanza ni RWANDA ikifuatiwa na KENYA, UGANDA na kisha baada ya Tanzania inafuata BURUNDI ambayo ni ya mwisho kwakuwa SUDAN KUSINI haikuwa miongoni mwa nchi zilizofanyiwa utafiti.
Kwamujibu wa Mratibu kutoka Mtandao wa Mabadiliko ya Tabia Nchi –CAN, SIXBERT MWANGA miongoni mwa sababu zinazoelezwa kuwa nikisababishi cha fedha hizo kutumika vibaya ni kutokuwepo kwa sera inayoeleza namna fedha hizo zinavyoingia mpaka zinavyowanufaisha wananchi.
Wadau kutoka serikalini na mashirika yasiyo ya kiserikali wamesema ili fedha hizi kutumika ipasavyo inapaswa serikali kutumia fedha hizo kama zilizopangwa badala ya kuzipangia kazi nyingine.
Serikali pia imeshauriwa kushirikiana na mashirika yasiyo ya kiserikali katika kutengeneza na kusimamia miradi ili iweze kuwanufaisha wananchi.

Share And Comment Bellow On What You Think About This Post!!!